Ayparalı, ulduzlusan

Canım bayraq, gözüm bayraq.   

Uzaq-uzaq ölkələrdə

Dalğalanır bizim bayraq.

Göy, qırmızı, yaşıl rəngin,

Hər birinin mənası var.

İndi «Odlar Yurdu» adlı

Müstəqil od parçası var.

Məmmədəmin babamızın

Zəkasıyla yaranmısan.

Ümummilli liderimlə,

Bu dünyaya tanınmısan.

Neçə ildir səmalarda

Göz oxşayır göyqurşağı –

Azərbaycan bayrağı.



Düşmənimiz yaxşı bilir,

Bayrağımız müqəddəsdi.

Ramil o vaxt bayraq üçün,

O mənfurun başın kəsdi.

Səmalarda bir şahintək,

Sən uçursan qanadın var.

O rekordlar kitabında,

Öz yerin var, öz adın var.

Bizim qürur yerimizsən,

Düşmənlərə bir göz dağı,

Hər baxanda qan ağlayır,

Paxıllıqdan yanan yağı.

Səndə sənçün candan keçən

İnsanların can izi var.

Üzərində Mübariztək,

Oğulların qan izi var.

Az qalıbdır bəzəyəcək,

Rəngləriylə Qarabağı –

Azərbaycan Bayrağı!

Azərbaycan Bayrağı!

                   Şəhriyar ALLAHYAROĞLU